Skattframtalið

Hverjir eiga að skila skattframtali ?

Ef þú berð ótakmarkaða skattskyldu átt þú að skila Inkomstdeklaration 1 (Skattframtal einstklings) ef

  • þú varst búsettur í Svíþjóð allt 2019 og hafðir yfir SEK 19 670 í tekjur (launatekjur eða tekjur af rekstri).
  • Þú varst búsettur í Svíþjóð hluta ársins 2019 og hafðir yfir SEK 100 í tekjur.
  • þú hafðir yfir SEK 200 í fjármagnstekjur og ekki var dregið af vegna skattsins af allri upphæðinni.
  • þú fékkst arð, söluhagnað af hlutabréfum eða aðra þóknun eða hlunnindi, sem á að telja fram til tekna, frá félagi með fáa eigendur eða sameignarfélagi
  • þú hafðir yfir SEK 100 í tekjur sem óvirkur meðeigandi á tekjuárinu.
  • þú áttir fasteign árið 2019 (t.d. einbýlishús, sumarhús, lóð) eða hluta fasteignar.
  • þér var gert að skila inn framtali.

Ef Skatteverket hefur upplýsingar um tekjur og frádrátt eru upplýsingarnar forskráðar á framtalið.

Ef þú berð takmarkaða skattskyldu átt þú að skila inn Inkomstdeklaration 1 (Skattframtal einstaklings) ef

  • þú hafðir yfir SEK 100 í tekjur. Þú þarft ekki að skila skattframtai ef þú fékkst arð frá Svíþjóð. Og ekki heldur ef þú greiddir SINK-skatt af tekjum nema þú óskir eftir að greiða almennan skatt í stað SINK-skatts en þá þarft þú að skila skattframtali.
  • þú áttir fasteign í Svíþjóð árið 2019 (t.d. einbýlishús, sumarhús, lóð) eða hluta fasteignar.
  • þér var gert að skila inn framtali.

Hvernig færð þú skattframtalið ?

Skattyfirvöld hefja útsendingu framtala í mars. Það á að hafa borist þér þann 15. apríl. Það er sent á lögheimili þitt.

Ef þú ert með stafrænt pósthólf færð þú skattframtalið sent þangað og þú færð ekki pappírsframtal en til að eiga stafrænt pósthólf þarft þú að vera með sænska kennitölu.

Ef þú átt að skila skattframtali en hefur ekki fengið það sent þarft þú að óska eftir því. Þú getur fengið meiri upplýsingar á skatteverket.se (Á sænsku, Á ensku). Þar finnur þú líka upplýsingar um hvernig þú notar rafræn skil, hvernig þú færð starfrænt pósthólf og sænskt bankaauðkenni.

Hvernig skilar þú skattframtalinu ?

Ef þú hefur fengið forskráð skattframtal er mikilvægt að þú sannreynir forskráðu upplýsingarnar, gerir leiðréttingar ef þörf er á og þú færir inn upplýsingar um skattskyldar tekjur sem hafa ekki verið forskráðar. Þú getur skilað skattframtalinu með eftirfarandi hætti:

  • Þú getur skilað skattframtalinu með því að fara inn á „mina sidor“ á www.skatteverket.se. Þannig notar þú rafræna „Inkomstdeklaration 1“. Þjónustan opnar þann 17. mars og þú getur hana hvort sem þú færð pappírsframtal eða notar stafræna pósthólfið. Þú getur valið um að nota senda forskráða framtalið eða gera leiðréttingar, með því að skrá frádrætti eða gera grein fyrir tekjum sem ekki eru forskráðar. Eins og staðan er núna þarft þú að vera með sænskt bankaauðkenni til að geta nota þessa þjónustu.
  • Þú getur skilað framtalinu með því að senda textaskilaboð (SMS) í símanúmeriði 71144 (ef þú ert með sænska farsímaþjónustu) sem inniheldur kennitöluna þína og auðkennisnúmer sem er prentað á skattframtalið þitt. Ef þú hringir í síma 020-567 100 (+46 8 764 92 40 frá útlöndum) þarft þú einnig auðkennisnúmerið. Ef þú sendir skattframtalið með textaskilaboðum eða símatali, samþykkir þú forskráða skattframtalið, sem þýðir að þú getur ekki gert neinar breytingar. Þú munt fá skilaboð sem staðfesta að skattframtalinu þínu hafi verið skilað. EF þú sendir skattframtalið í gegnum síma munt þú heyra skilaboð sem staðfesta að skattframtalinu hafi verið skilað. Þú greiðir kostnaðinn af símtali eða textaskilaboðum sjálfur ef þú ert utan Svíþjóðar.
  • Ef þú getur ekki skilað skattframtalinu með síma, með rafrænum skilum eða með textaskilaboðum getur þú sent skattframtalið á pappír á heimilisfang sem þú finnur á pappírsframtalinu.

þarf skattframtalinu til sænskra skattyfirvalda eigi síðar en 4. maí 2020. Ef þú skilar ekki skattframtali áttu á hættu að þurfa að greiða sekt sem nemur að minnsta kosti SEK 1,25. Þú getur sótt um frest með því að senda skattframtalið. Umsóknin þarf að hafa borist Skatteverket eigi síðar en á þeim degi sem skattframtalinu átti að skila. Hægt er að senda umsókn með því að fara inn á „mina sidor“ á www.skatteverket.se eða senda eyðublað SKV 2600 til skattstofunnar þinnar.

Skipti á upplýsingum milli skattyfirvalda

Til að tryggja rétta skattlagningu hafa öll Norðurlöndin þá reglu að vinnuveitendur, bankar o.fl. eigi að senda skattyfirvöldum upplýsingar um greidd laun, lífeyri, arð, vexti o.fl. Hér eiga m.a. að koma fram nöfn viðtakenda og heimilisföng, hvernig tekjur er um að ræða ásamt fjárhæð. Þessi upplýsingaskylda gildir einnig um greiðslur til einstaklinga sem búsettir eru í öðrum löndum.

Til að tryggja nákvæma skattlagningu hafa öll Norðurlöndin komið sér saman um að skiptast á upplýsingum. Upplýsingaskiptin fara fram árlega milli sérvaldra eininga hjá skattyfirvöldum og gegnum öruggar boðleiðir. Mikið magn upplýsinga streymir milli Norðurlandanna. Þessar upplýsingar eru notaðar af skattyfirvöldum í búsetulandinu til að hafa eftirlit með því að einstaklingar með starfsemi yfir landamæri hafi uppfyllt skyldur sínar um að upplýsa um tekjur og eignir erlendis