Danmörk
Ísland
Noregur
Finnland
Svíþjóð
Valmynd

Býrð þú í öðru norrænu landi og vinnur um borð í skipi sem er skráð í Svíþjóð og sem siglir á alþjóðaleiðum?                  

Þessar upplýsingar eru ætlaðar þér sem býrð í öðru norrænu landi og vinnur um borð í skipi sem er skráð í Svíþjóð og sem siglir á alþjóðaleiðum. Hér er eingöngu fjallað um skattlagningu af launum fyrir slíkt starf.

Alþjóðaleiðir

Með hugtakinu á alþjóðaleiðum er átt við alla skipaflutninga nema þegar skipið er eingöngu í siglingum milli staða í einu norrænu landi.

Skattlagning í Svíþjóð

Þegar þú ert með takmarkaða skattskyldu í Svíþjóð, greiðir þú 15% sérstakan tekjuskatt (SINK) fyrir erlendis búsetta, af launum fyrir vinnu um borð í sænsku skipi. Með sænsku skipi er einnig átt við skip sem skráð er í öðru landi ef skipið er í leigt út án áhafnar  þ.e. svokölluðum „bareboat bases"  af sænskri útgerð.

Þú hefur líka möguleika á að velja sjálfur að verða skattlagður  skv. almennum tekjuskattsreglum en þá átt þú rétt á frádrætti vegna útlagðs kostnaðar. Það eru þó vissar forsendur fyrir því að þú eigir rétt á að fá t.d. grunnfrádrátt í Svíþjóð. Þú þarft ekki að skila inn framtali í Svíþjóð. Það er eingöngu ef þú velur sjálfur að verða skattlagður skv. almennum reglum sem þú þarft að skila framtali.

Þú finnur upplýsingar um skattlagningu tekna af vinnu um borð í skipi skráðu í Svíþjóð og sem sinnir verkefnum á norsku eða dönsku landgrunni, undir fyrirsögninni „Býrð þú í öðru norrænu landi og vinnur á dönsku landgrunni?" eða „Býrð þú í öðru norrænu landi og vinnur á norsku landgrunni?"

Skattlagning í búsetulandinu

Tekjur af vinnu um borð í sænsku skipi í flutningum á alþjóðaleiðum geta líka verið skattskyldar í búsetulandinu. Ef þú ert skattlagður bæði í Svíþjóð og í búsetulandinu, er það búsetulandið sem koma á í veg fyrir tvísköttun. Þú skalt þessvegna alltaf gefa upp erlendar tekjur í skattframtali í búsetulandinu.

Almannatryggingar

Það eru í gildi sérstakar reglur sem segja til um hvar þú átt að vera tryggður. Þú þarft að hafa samband við Tryggingastofnun í því landi sem þú ert búsettur í eða Försäkringskassan í Svíþjóð til að fá nánari upplýsingar.

Veldu hitt landi­ hÚr:   Danmörk | Ísland | Noregur | Finnland | 
Valmynd
 
Logo