Danmörk
Ísland
Noregur
Finnland
Svíþjóð
Valmynd

Býrð þú í Noregi en vinnur á dönsku landgrunni?

Þetta á við um þig sem býrð í Noregi og þiggur laun frá launagreiðanda sem er með starfsemi á dönsku landgrunni. Upplýsingarnar varða aðeins skattlagningu af tekjum sem aflað er á dönsku landgrunni.

Skattlagning í Danmörku

Þú ert skattlagður í Danmörku ef þú vinnur á dönsku landgrunni lengur en 30 daga á 12 mánaða tímabili og ef vinnuveitandinn stundar starfsemi í tengslum við undirbúningskönnun, rannsóknir eða hagnýtingu kolvetnisauðlinda. Sama gildir um laun fyrir vinnu um borð í skipi sem notað er við starfsemi í tengslum við undirbúningskönnun, rannsóknir eða hagnýtingu kolvetnisauðlinda á dönsku landgrunni.

30-daga reglan á ekki við þegar þú starfar um borð í skipi sem notað er til flutninga á mannafla eða búnaði, eða um borð í dráttarbát, birgðaskipi eða öðrum aðstoðarskipum og sá sem notar skipið er búsettur í einhverju Norðurlandanna. Í slíkum tilvikum eru launin skattskyld í því norræna landi sem sá sem notar skipið er búsettur. Ef sá sem notar skipið er búsettur í landi utan Norðurlandanna, gildir 30-daga reglan.

Skattlagning í Noregi

Launatekjur sem aflað er á dönsku skattgrunni eru skattskyldar í Noregi og það á að gefa þær upp í norska skattframtalinu. Ef launin eru skattskyld í Danmörku samkvæmt 30-daga reglunni, getur þú óskað eftir skattalækkun í Noregi þannig að ekki reiknist norskur skattur á þær tekjur sem skattlagðar eru í Danmörku. Þegar launatekjur sem aflað er um borð í skipi sem notað er við flutninga á mannafla eða búnaði, eða um borð í öðrum aðstoðarskipum, eru skattskyldar í öðru norrænu landi, getur þú krafist frádráttar af norska skattinum með þeim skatti sem þú hefur greitt í hinu landinu (kreditfrádráttur). Frádrátturinn er takmarkaður við norska skattinn af erlendu tekjunum.

Almannatryggingar

Það eru í gildi sérstakar reglur sem kveða á um hvar þú skulir vera tryggður. Þú þarft að hafa samband við NAV í Noregi eða borger.dk í Danmörku til að fá nánari upplýsingar.

Veldu hitt landi­ hÚr:   Danmörk | Ísland | Finnland | Svíþjóð
Valmynd
 
Logo