Danmörk
Ísland
Noregur
Finnland
Svíþjóð
Valmynd

Býrð þú í Svíþjóð og starfar í öðru norrænu landi fyrir opinberan aðila?

Þessar upplýsingar eru ætlaðar þér sem býrð í Svíþjóð og starfar fyrir opinberan aðila í öðru norrænu landi og fjalla eingöngu um skattlagningu af launum fyrir slíkt starf.

Skilgreining á „opinber aðili"

Launagreiðandi þinn er skilgreindur sem opinber aðili ef þú ert ráðinn til starfa fyrir ríki, sysla, sveitarfélag, opinbera stofnun eða sambærilega stjórnsýslustofnun á hinum Norðurlöndunum. Ríkisreknir háskólar í öðrum löndum en Finnlandi eru skilgreindir sem opinberir aðilar. Aftur á móti eru finnsku háskólarnir skilgreindir sem einkaaðilar. Hlutafélag í eigu ríkis eða sveitarfélags er ekki skilgreint sem opinber aðili. Ríki og sveitarfélög eru heldur ekki skilgreind sem opinber aðili ef starfsemi þeirra tengist atvinnurekstri.

Ef vinnuveitandi þinn er ekki opinber aðili, verður þú skattlagður samkvæmt þeim reglum sem lýst er í „Býrð þú í Svíþjóð og vinnur í öðru norrænu landi fyrir einkaaðila?"

Opinber aðili í Svíþjóð:

Ef þú starfar í öðru norrænu landi fyrir opinberan aðila í Svíþjóð, skattleggjast launin eingöngu í Svíþjóð.

Opinber aðili heimilisfastur í öðru norrænu landi:

Ef þú starfar í öðru norrænu landi fyrir opinberan aðila sem er heimilisfastur í því landi, þá eiga launin að skattleggjast þar. Sé starfið aftur á móti innt af hendi að öllu leyti eða að hluta til í Svíþjóð, eru tekjur af því starfi skattlagðar þar.

Skattlagning í Svíþjóð:

Ef þú ert skattlagður í öðru norrænu landi, eru þær tekjur undanþegnar skattlagningu í Svíþjóð. Þú þarft samt sem áður að telja tekjurnar fram á sænska skattframtalinu undir liðnum „Aðrar upplýsingar".

Landamærareglan (Gränsgångarregeln)

Ef þú býrð í Svíþjóð í sveitarfélagi sem liggur að landamærum Noregs eða Finnlands og ferð yfir landamærin til vinnu, ert þú skilgreindur sem „gränsgångare" og fellur undir landamæraregluna. Hún kveður á um að þú eigir eingöngu að greiða skatt í Svíþjóð. Skilyrði fyrir þessari reglu er að þú dveljir á heimili þínu í Svíþjóð, minnst tvo daga í viku með einnar nætur dvöl.

Landamærareglan á milli Svíþjóðar og Danmerkur er ekki lengur í gildi, en er þó enn notuð í undantekningartilvikum í Svíþjóð. Ef þú féllst undir þessa landamærareglu hinn 1. janúar 1997 og uppfyllir enn þau skilyrði sem þar eru sett, gæti hún átt við þig.

Veldu hitt landi­ hÚr:   Danmörk | Ísland | Noregur | Finnland | 
Valmynd
 
Logo