Danmörk
Ísland
Noregur
Finnland
Svíþjóð
Valmynd

Býrð þú í Noregi en starfar í öðru norrænu landi fyrir einkaaðila?

Þetta á við um þig sem býrð í Noregi og vinnur í einkafyrirtæki annars staðar á Norðurlöndum. Upplýsingarnar varða einungis skattlagningu atvinnutekna.

Upplýsingarnar eiga ekki við þig sem vinnur hjá opinberum aðila, vinnur sem sjómaður, vinnur um borð í flugvél, vinnur á dönsku landgrunni eða hefur tekjur sem lista- eða íþróttamaður.

Vinnuveitandi þinn er frá vinnulandinu

Þú átt að greiða skatt af launatekjum þínum í vinnulandinu.  Ákveðnar undantekningar eru á þessari reglu, sjá hér að neðan undir fyrirsögninni „sérreglur“.

Vinnuveitandi þinn er frá öðru landi en vinnulandinu

Þú átt að greiða skatt af launatekjunum í vinnulandinu ef eitt af eftirtöldum skilyrðum er uppfyllt:

Þú átt eingöngu að greiða skatt í Noregi ef ekkert af ofannefndum skilyrðum er uppfyllt. Ákveðnar undantekningar eru á þessari reglu, sjá hér að neðan undir fyrirsögninni „sérreglur“.

Launatekjur sem eiga að skattleggjast í öðru norrænu landi eru líka skattskyldar í Noregi.

Til þess að þú verðir ekki tvískattaður átt þú kröfu á hlutfallslegri lækkun á norska skattinum. Skattalækkunin leiðir til þess að ekki verður lagður norskur skattur á launatekjur sem skattlagðar eru í hinu norræna landinu. Það þýðir líka að skattstiginn á aðrar tekjur sem eingöngu á að skattleggja í Noregi verður sá sami og hefðu heildartekjurnar verið skattlagðar í Noregi. Það skiptir ekki máli hversu háan skatt þú raunverulega greiddir í vinnulandinu.

Atvinnutekjur sem aflað er í öðru norrænu landi á alltaf að telja fram á norsku framtali. Til að fá lækkun á norskum skatti verður þú að skila inn eyðublaðinu „Nedsetting av inntektsskatt på lønn" (RF-1150) með framtalinu.

Sérreglur

Reglur fyrir landamærabúa

Ef þú býrð í norsku sveitarfélagi sem liggur að landamærum Svíþjóðar og vinnur í sænsku sveitarfélagi sem liggur að landamærum Noregs, eiga reglur fyrir landamærabúa við um þig. Sama gildir ef þú býrð í Noregi í sveitarfélagi sem liggur að landamærum Finnlands og vinnur í finnsku sveitarfélagi sem liggur að landamærum Noregs. Reglur fyrir landamærabúa fela í sér að þú greiðir eingöngu skatt af laununum í búsetulandinu. Forsendan er að þú dveljir alla jafna á lögheimili þínu í búsetulandinu minnst tvo daga í viku með einnar nætur dvöl.

Nýja Svínasundsbrúin

Ef þú býrð í Noregi  og starfar við viðhald og rekstur nýju Svínasundsbrúarinnar greiðir þú eingöngu skatt af launatekjunum í Noregi, jafnvel þó vinnan fari fram í Svíþjóð.

Stjórnarlaun

Þú átt að greiða skatt í Noregi  ef þú færð greiðslu vegna stjórnarvinnu (stjórnarlaun) í félagi í öðru norrænu landi. Tekjurnar geta einnig verið skattlagðar í því landi sem félagið er staðsett í. Þarna skiptir ekki máli hvar vinnan fór fram.

Ef þú hefur greitt skatt í öðru norrænu landi, getur þú óskað eftir því að sá skattur sem þú greiddir þar sé dreginn frá norskum skatti, svokölluð frádráttarregla. Þú verður að skila inn eyðublaðinu  „Fradrag for skatt betalt i utlandet av person – kreditfradrag" (RF-1147) með skattframtalinu.

Almannatryggingar

Það eru sérstakar reglur sem segja til um í hvaða landi þú átt að vera tryggður. Þú þarft að hafa samband við NAV í Noregi eða tryggingastofnun í því landi sem þú vinnur í til að fá nánari upplýsingar.

Veldu hitt landi­ hÚr:   Danmörk | Ísland | Finnland | Svíþjóð
Valmynd
 
Logo