Danmörk
Ísland
Noregur
Finnland
Svíþjóð
Valmynd

Býrð þú í öðru norrænu landi og starfar um borð í skipi sem er skráð á Íslandi og sem siglir á alþjóðaleiðum?

Þessar upplýsingar eiga við þig sem ert búsettur á í öðru norrænu landi og starfar um borð í skipi, sem er skráð á Íslandi og sem siglir á alþjóðaleiðum. Upplýsingarnar varða aðeins skattlagningu af þessum tekjum.

Alþjóðaleiðir

Með hugtakinu á alþjóðaleiðum er átt við alla skipaflutninga nema þegar skipið er eingöngu í siglingum milli staða í einu norrænu landi.

Skattlagning á Íslandi

Þær tekjur sem þú aflar með vinnu um borð í íslensku skipi, eru skattlagðar á Íslandi.

Með íslensku skipi er einnig átt við skip sem skráð er í öðru landi þegar skipið er tekið á leigu án áhafnar (s.k. bareboat bases) af íslenskri útgerð.

Þú finnur upplýsingar um skattlagningu tekna af vinnu um borð í skipi skráðu á Íslandi og sem sinnir verkefnum á dönsku eða norsku landgrunni, undir fyrirsögninni „Býrð þú í öðru norrænu landi og vinnur á dönsku landgrunni?" eða „Býrð þú í öðru norrænu landi og vinnur á norsku landgrunni?".

Skattlagning í búsetulandinu

Tekjur vegna vinnu á íslensku skipi í siglingum á alþjóðaleiðum geta einnig verið skattskyldar í búsetulandinu. Þú þarft því alltaf að gefa upplýsingar um erlendu tekjurnar í skattframtali í búsetulandinu.

Ef þú er skattlagður bæði á Íslandi og í því landi sem þú ert búsettur, er það búsetulandið sem koma á í veg fyrir tvísköttun.

Almannatryggingar

Það eru í gildi sérstakar reglur sem kveða á um hvar þú skulir vera tryggður. Þú þarft að hafa samband við tryggingastofnun í því landi sem skipið er skráð í eða Tryggingastofnun ríkisins (tr.is) til að fá nánari upplýsingar.

Veldu hitt landi­ hÚr:   Danmörk | Noregur | Finnland | Svíþjóð
Valmynd
 
Logo