Danmörk
Ísland
Noregur
Finnland
Svíþjóð
Valmynd

Býrð þú í öðru norrænu landi og vinnur á dönsku landgrunni?

Þessar upplýsingar eiga við þig sem ert búsettur í öðru norrænu landi og þiggur laun frá launagreiðanda sem stundar starfsemi á dönsku landgrunni. Upplýsingarnar eiga eingöngu við um skattlagningu af launatekjum á dönsku landgrunni.

Skattlagning í Danmörku

Launin eru skattskyld í Danmörku um leið og þú hefur unnið á dönsku landgrunni lengur en 30 daga á 12 mánaða tímabili  ef vinnuveitandinn stundar starfsemi í tengslum við undirbúningskönnun, rannsóknir eða hagnýtingu kolvetnisauðlinda.  Sama gildir einnig um laun fyrir vinnu um borð í skipi sem notað er við starfsemi í tengslum við undirbúningskönnun, rannsóknir eða hagnýtingu kolvetnisauðlinda á dönsku landgrunni.

30-daga reglan á ekki við þegar þú vinnur um borð í skipi sem notað er til flutninga á mannafla eða búnaði, eða um borð í dráttarbát,  birgðaskipi eða öðrum aðstoðarskipum og sá sem notar skipið er búsettur í einhverju Norðurlandanna. Í slíkum tilvikum eru launin skattskyld í því norræna landi sem sá sem notar skipið er búsettur.  Ef sá sem notar skipið er búsettur í landi utan Norðurlandanna, gildir 30-daga reglan.

Skattlagning í búsetulandinu

Launatekjurnar geta einnig verið skattskyldar í búsetulandinu.Ef tekjurnar er skattlagðar bæði í Danmörku og í búsetulandinu, er það búsetulandið sem á að gæta þess að launin verði ekki tvísköttuð.

Almannatryggingar

Það eru í gildi sérstakar reglur sem kveða á um hvar þú skulir vera tryggður. Þú þarft að hafa samband við tryggingastofnun í því landi sem þú býrð í eða borger.dk í Danmörku til að fá nánari upplýsingar.

Veldu hitt landi­ hÚr:   Ísland | Noregur | Finnland | Svíþjóð
Valmynd
 
Logo