Danmörk
Ísland
Noregur
Finnland
Svíþjóð
Valmynd

Býrð þú í Danmörku og vinnur um borð í skipi sem er skráð í öðru norrænu landi og sem siglir á alþjóðaleiðum?

Þessar upplýsingar eru ætlaðar þér sem býrð í Danmörku og vinnur um borð í skipi sem er skráð í öðru norrænu landi og sem siglir á alþjóðaleiðum. Hér er eingöngu fjallað um skattlagningu af launum fyrir slíkt starf.

Alþjóðaleiðir

Með hugtakinu á alþjóðaleiðum er átt við alla skipaflutninga nema þegar skipið er eingöngu í siglingum milli staða í einu norrænu landi.

Skattlagning í öðru norrænu landi

Launin skulu vera skattlögð í því norræna landi sem skipið er skráð í.

Ef þú vinnur um borð í skipi sem er leigt út á án áhafnar þ.e. á svokölluðum „bareboat bases" af útgerð í öðru norrænu landi, greiðir þú skatta í því landi sem útgerðin er skráð í.

Skattlagning í Danmörku

Tekjur sem er aflað um borð í erlendu skipi eru einnig skattskyldar í Danmörku og telja ber þær fram í danska framtalinu.

Til að koma í veg fyrir tvísköttun getur þú krafist frádráttar af dönskum skatti með þeim skatti sem þú greiddir í hinu norræna landinu (kreditreglan). Frádrátturinn er takmarkaður við sömu upphæð og danski skatturinn er af erlendum tekjum þínum.

Þú finnur upplýsingar um skattlagningu tekna af vinnu um borð í skipi sem sinnir verkefnum á norsku landgrunni undir fyrirsögninni „Býrð þú í Danmörku og vinnur á norsku landgrunni?"

Almannatryggingar

Það eru í gildi sérstakar reglur sem segja til um hvar þú átt að vera tryggður. Þú þarft að hafa samband við borger.dk í Danmörku eða Tryggingastofnun í skráningarlandi skipsins til að fá nánari upplýsingar.

Veldu hitt landi­ hÚr:   Ísland | Noregur | Finnland | Svíþjóð
Valmynd
 
Logo